HOUSING DEVELOPMENT ASSOCIATION OF CAMBODIA

MESSAGE FROM PRESIDENT

តាងនាមខ្ញុំជាប្រធានសមាគមអ្នកអភិវឌ្ឍន៍លំនៅឋានកម្ពុជាខ្ញុំមានសេចក្ដីសោមនស្សរីករាយណាស

តាងនាមខ្ញុំជាប្រធានសមាគមអ្នកអភិវឌ្ឍន៍លំនៅឋានកម្ពុជាខ្ញុំមានសេចក្ដីសោមនស្សរីករាយណាស

STRUCTURE

HDA FACEBOOK

HDA VISITOR

HOUSING DEVELOPMENT ASSOCIATES IS A LEADING PROFESSIONAL AND INVESTMENT ADVISORY FIRM BASED IN CAMBODIA

អ្នកវិនិយោគក្នុងស្រុកនៅតែមានជំនឿចិត្តដោយបោះទុន៧០លានដុល្លារអាមេរិកកសាងបុរីថ្មីមួយ Posted Date : 26-09-2016 អ្នកវិនិយោគក្នុងស្រុកបាននិងកំពុងបោះទុន ៧០លានដុល្លារអាមេរិក សម្រាប់វិនិយោគលើបុរីលំដាប់ប្រណីតថ្មីមួយដើម្បីបំពេញ តម្រូវការរបស់អតិថិជនដែលត្រូវការលំនៅឋានប្រកបដោយភាពស៊ីវិល័យ និងផាសុកភាព។ លោស្រី ជិន ចាន់ឡែន នាយិកាក្រុមហ៊ុន FURI Real Estate ដែលបានសហការវិនិយោគជា មួយក្រុមហ៊ុន NAKI Group បានថ្លែងឲ្យដឹងកាលពីចុងសប្តាហ៍មុន នេះថា ការសាងសង់បុរី Woodland នឹងចាប់ផ្តើមនៅពាក់កណ្តាលខែតុលាខាងមុខនេះ ដោយបុរីនេះនឹងផ្តោតជាសំខាន់លើប្រណីតភាព មានប្រព័ន្ធគ្រប់គ្រងប្រកបដោយទំនុកចិត្ត ដើម្បីផ្តល់ឲ្យអ្នកស្នាក់នៅមានផាសុកភាព និងភាពកក់ក្តៅជាអ្វីដែលក្រុមហ៊ុន FURI Real Estate ធ្វើការសហការជាមួយក្រុមហ៊ុន NAKI Group ដែលជាក្រុមហ៊ុនអចលនទ្រព្យ និងគ្រប់គ្រងអចលនទ្រព្យឈានមុខគេមួយនៅកម្ពុជា។ កិច្ចសហការនេះបាននិងកំពុងផ្តល់ការរៀបចំ ដើម្បីផ្តល់ឲ្យអតិថិជននូវទំនុកចិត្ត ខ្ពស់ ព្រោះការវិនិយោគដែលឆ្លើយតប និងយល់ដឹងពីអ្វីដែលជាតម្រូវការរបស់អតិថិជន ជាការវិនិយោគដ៏ឆ្លាតវៃមួយក្នុងពិភពជំនួញ។ លោកស្រីបន្តថា បុរីនេះនឹងសាងសង់នៅលើផ្ទៃដី៧ហិកតា ដែលបែងចែកជាបីដំណាក់កាល ដោយដំណាក់កាលទី១ ស្ថិតនៅលើទំហំដី២,៥០ហិកតា ដើម្បីកសាងវីឡាដែលមានតម្លៃចាប់ពី ១៩ដល់៤០ម៉ឺនដុល្លារអាមេរិក។ ចំណែកគម្រោងដំណាក់កាលទី២ និងទី៣ នឹងធ្វើឡើងជាបន្តបន្ទាប់គ្នាដោយក្រុមហ៊ុនគ្រោងចំណាយរយៈពេល៣ឆ្នាំកន្លះ ដើម្បី បញ្ចប់គម្រោងនេះទាំងស្រុង។ លោកស្រីបានបន្តថា ៖ «នេះជាប្រភេទវីឡាបែបអូតែលជាលើកដំបូង ដែលក្រុមហ៊ុនបានបង្កើតឡើង ដើម្បីឆ្លើយតបនឹងបំពេញតម្រូវការរបស់អតិថិជន ដែលត្រូវការលំនៅឋានប្រណីតមានផាសុកភាព និងតម្លៃសមរម្យ និងស្របតាមការវិវត្តរីកចម្រើនផ្នែកសេដ្ឋកិច្ច សង្គមកម្ពុជា»។ លោកស្រីបន្តថា ៖ «បុរីនេះនឹងផ្តល់នូវទស្សនទាននៃការអភិវឌ្ឍថ្មី មួយ ដែលនៅក្នុងបុរីនេះមានសេវាកម្ម ចម្រុះដោយរួមបញ្ចូលនូវភោជនីយដ្ឋាន ក្លឹបហាត់ប្រាណ ហាងកាហ្វេ ជាលក្ខណៈឯកជន ហាងលក់ទំនិញ ពិសេសបុរីនេះនេះគ្របដណ្តប់ដោយទីធ្លាបៃតងប្រមាណ៤៥ភាគរយ នៃផ្ទៃដីសរុបទាំងអស់»។ ការឌីហ្សាញបុរីនេះ និងការសាងសង់ ធ្វើឡើងដោយក្រុមហ៊ុនល្បីឈ្មោះមកពីប្រទេសសិង្ហបុរី ONG&ONG និងប្រើប្រាស់ស្ថាបត្យករខ្មែរ ដោយសារស្ថាបត្យករខ្មែរយល់ដឹងនូវអ្វីដែលជាតម្រូវការ និងចំណង់ចំណូលចិត្តរបស់អតិថិជន ព្រមទាំងស្គាល់ពីវប្បធម៌ និងប្រពៃណីទំនៀមទម្លាប់របស់ខ្មែរ។ លោកស្រី ចាន់ឡែន បានបន្តថា បុរីនេះនឹងប្រើប្រាស់ដើមឈើធ្វើជារបងព័ទ្ធជុំវិញបុរី និងមានហេដ្ឋារចនាសម្ព័ន្ធផ្លូវធំទូលាយ មានផ្លូវដើរ ទីធ្លាសាធារណៈសម្រាប់ការហាត់ប្រាណ ស្ទីម សោណា បន្ទប់ប្រជុំជាលក្ខណៈឯកជន និងការជួបជុំជាលក្ខណៈឯកជនសម្រាប់អ្នករស់នៅក្នុងបុរីនេះ។ លើសពីនេះក្រុមហ៊ុន FURI បានសហការជាមួយក្រុមហ៊ុន NAKI Group ដែលជាក្រុមហ៊ុនមានបទពិសោធន៍ លើការគ្រប់គ្រងអចលនទ្រព្យលំដាប់អន្តរជាតិ មកធ្វើការគ្រប់គ្រង ផ្តល់សេវាសម្អាត អនាម័យ ផ្តល់សេវាថែសួនជាដើម។ បុរី Woodland មានទីតាំងស្ថិតនៅតាមបណ្តោយផ្លូវសម្តេចអគ្គមហាសេនាបតីតេជោហ៊ុន សែន ដែលជាមហាវិថីធំជាងគេនៅរាជធានីភ្នំពេញ ដោយមានទំហំទទឹង៦០ម៉ែត្រ ស្ថិតក្នុងសង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ។ ជាមួយនឹងការរិះរកវិធី ដើម្បីបំពេញសេចក្តីត្រូវការរបស់អ្នករស់នៅឲ្យកាន់តែមានភាពងាយស្រួល និងកក់ក្តៅ បុរី Woodland ក៏គ្រោងផ្តល់ឲ្យអ្នកស្នាក់នៅក្នុងបុរីនេះ នូវសេវាកម្មតាមបែប Smart Home ជាសេវាកម្មដែលអាចបញ្ជាការបើកបិទទ្វារ ឬបើកបិទសម្ភារអេឡិចត្រូនិកក្នុងលំនៅឋានដោយស្វ័យប្រវត្តិ ពិសេសក្រុមហ៊ុននឹងបំពាក់ជូននូវសម្ភារ បរិក្ខា និងទូរស័ព្ទម្នាក់មួយគ្រឿងដល់ម្ចាស់លំនៅដ្ឋាននីមួយៗ ដើម្បីកុម៉្មង់ម្ហូបអាហារ និងទិញគ្រឿងឧបភោគ បរិភោគ ២៤ម៉ោង ដល់ប្រជាពលរដ្ឋរស់នៅក្នុងបុរីនេះផងដែរ។ លោកស្រី ចាន់ឡែន បានបន្តថា ៖ «មុនវិនិយោគគម្រោងនេះ ក្រុមហ៊ុនបានសិក្សាពីទីផ្សារ និងតម្រូវការរបស់អតិថិជន ព្រោះការវិនិយោគរបស់យើង ដើម្បីបំពេញចិត្តអតិថិជន និងដឹងពីអ្វីដែលអតិថិជនត្រូវការ ជាអ្វីដែលក្រុមហ៊ុន FURI បាននិងកំពុងធ្វើនាពេលនេះ ពិសេសក្រុមហ៊ុននេះបាននិងកំពុងនាំយកទស្សនទានបែបខុនដូថែលជាលើកដំបូងមកកម្ពុជា»។ លោកស្រីបន្តថា ៖ «ក្រុមហ៊ុនបាននិងកំពុងរៀបចំបុរី Woodland ដែលសាងសង់លំនៅឋានសុទ្ធជាប្រភេទវីឡា នឹងផ្តល់សេវាកម្មបែបវីឡា អូតែលលើកដំបូងនៅកម្ពុជា។ រហូតមកទល់ពេលនេះមានអតិថិជនចាប់ផ្តើមកក់លំនៅឋានក្នុងបុរីនេះអស់ ជាង៥០ផ្ទះរួចហើយ។ លោក ហ៊ុយ វណ្ណា អគ្គលេខាធិការសមាគមអ្នកអភិវឌ្ឍន៍លំនៅឋានកម្ពុជា បានថ្លែងថា ការវិនិយោគលើបុរីបែបនេះ មានន័យថា អ្នកវិនិយោគមានទំនុកចិត្តលើទីផ្សារកម្ពុជា ហើយការវិនិយោគបែបនេះក៏ជាការបង្ហាញដល់អ្នកវិនិយោគអន្តរជាតិឲ្យមើលឃើញពីសក្តានុពលនៃការអភិវឌ្ឍ និងការរីកចម្រើននៃសេដ្ឋកិច្ចសង្គមរបស់កម្ពុជា។ លោកបន្តថា បច្ចុប្បន្នតម្រូវការលំនៅឋាននៅតែបន្តកើនឡើង ជាក់ស្តែងដូចជាបុរីវិមានភ្នំពេញ បុរីប៉េង ហួត និងបុរីពិភពថ្មីជាដើម នៅតែបន្តវិនិយោគលើគម្រោងលំនៅឋានថ្មីៗជាបន្តទៀតនៅឡើយ។ លោកបន្តថា ៖ «ការវិនិយោគលើវីឡាប្រណីត ដែលមានតម្លៃក្នុងរង្វង់ជាង១០ម៉ឺនដុល្លារឡើងទៅនៅតែមានតម្រូវការច្រើន ដោយសារកម្រិតប្រាក់ចំណូលប្រជាពលរដ្ឋកម្ពុជា នៅតែកើនឡើងពីមួយថ្ងៃទៅមួយថ្ងៃ»។ យោងតាមការព្យាកររបស់ក្រសួងរៀបចំដែនដី នគរូបនីយកម្ម និងសំណង់ បានបង្ហាញថា កម្ពុជាត្រូវការលំនៅឋាន១ម៉ឺនខ្នងក្នុងមួយឆ្នាំៗ ហើយគិតពីពេលបច្ចុប្បន្នរហូតដល់ឆ្នាំ២០២៣ កម្ពុជាត្រូវការលំនៅឋាន១លានខ្នង ស្របពេលកំណើនប្រជាពលរដ្ឋចូលមករស់នៅទីក្រុង បានកើនឡើងជាង១ភាគរយ នៃប្រជាជនសរុបរបស់កម្ពុជា។ លោក គីម ហ៊ាង ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា បានថ្លែងថា ការអភិវឌ្ឍលំនៅឋានបច្ចុប្បន្នគឺផ្តោតលើតម្លៃ បើតម្លៃល្អគម្រោងនោះនឹងទទួលជោគជ័យ ហើយបើនិយាយពីទីតាំងគឺទីតាំងណាក៏ល្អដែរ ប៉ុន្តែតម្លៃលំនៅឋានគឺកំណត់ភាពជោគជ័យរបស់គម្រោងនីមួយៗ។ លោក មាន ចាន់យ៉ាដា អ្នកនាំពាក្យសាលារាជធានីភ្នំពេញ បានថ្លែងថា តំបន់ផ្លូវ៦០ម៉ែត្រ ជាមហាវិថីសម្តេចតេជោ គឺជាទីក្រុងរណប ING CITY ដែលជាតំបន់លំនៅឋាន ពាណិជ្ជកម្ម សាលារៀន ឧស្សាហកម្មធុនស្រាល ទេសចរណ៍ និងមន្ទីរពេទ្យជាដើម។ លោកបន្តថា កាលពី៥ឆ្នាំមុន ក្រុងផ្តោតលើការអភិវឌ្ឍនៅភាគខាងលិច និងភាគខាងជើង ប៉ុន្តែពេលនេះក្រុងបានផ្តោតការអភិវឌ្ឍមកកាន់ភាគខាងត្បូង និងខាងកើត។ លោកបន្តថា ៖ «ពីមុនការអភិវឌ្ឍនៅទិសខាងលិច និងខាងជើង បានធ្វើឲ្យមានចំនួនមនុស្ស និងបញ្ហាកកស្ទះចរាចរណ៍កើតឡើងយ៉ាងច្រើន ហេតុនេះទើបក្រុងងាកមកអភិវឌ្ឍនៅទិសខាងត្បូង និងខាងលិច ដើម្បីធ្វើឲ្យការអភិវឌ្ឍមានតុល្យភាពគ្នានៃទិសទាំងបួន»៕ http://www.postkhmer.com/

អ្នកវិនិយោគក្នុងស្រុកនៅតែមានជំនឿចិត្តដោយបោះទុន៧០លានដុល្លារអាមេរិកកសាងបុរីថ្មីមួយ Posted Date : 26-09-2016

អ្នកវិនិយោគក្នុងស្រុកបាននិងកំពុងបោះទុន ៧០លានដុល្លារអាមេរិក សម្រាប់វិនិយោគលើបុរីលំដាប់ប្រណីតថ្មីមួយដើម្បីបំពេញ តម្រូវការរបស់អតិថិជនដែលត្រូវការលំនៅឋានប្រកបដោយភាពស៊ីវិល័យ និងផាសុកភាព។

លោស្រី ជិន ចាន់ឡែន នាយិកាក្រុមហ៊ុន FURI Real Estate ដែលបានសហការវិនិយោគជា មួយក្រុមហ៊ុន NAKI Group បានថ្លែងឲ្យដឹងកាលពីចុងសប្តាហ៍មុន នេះថា ការសាងសង់បុរី Woodland នឹងចាប់ផ្តើមនៅពាក់កណ្តាលខែតុលាខាងមុខនេះ ដោយបុរីនេះនឹងផ្តោតជាសំខាន់លើប្រណីតភាព មានប្រព័ន្ធគ្រប់គ្រងប្រកបដោយទំនុកចិត្ត ដើម្បីផ្តល់ឲ្យអ្នកស្នាក់នៅមានផាសុកភាព និងភាពកក់ក្តៅជាអ្វីដែលក្រុមហ៊ុន FURI Real Estate ធ្វើការសហការជាមួយក្រុមហ៊ុន NAKI Group ដែលជាក្រុមហ៊ុនអចលនទ្រព្យ និងគ្រប់គ្រងអចលនទ្រព្យឈានមុខគេមួយនៅកម្ពុជា។ កិច្ចសហការនេះបាននិងកំពុងផ្តល់ការរៀបចំ ដើម្បីផ្តល់ឲ្យអតិថិជននូវទំនុកចិត្ត ខ្ពស់ ព្រោះការវិនិយោគដែលឆ្លើយតប និងយល់ដឹងពីអ្វីដែលជាតម្រូវការរបស់អតិថិជន ជាការវិនិយោគដ៏ឆ្លាតវៃមួយក្នុងពិភពជំនួញ។

លោកស្រីបន្តថា បុរីនេះនឹងសាងសង់នៅលើផ្ទៃដី៧ហិកតា ដែលបែងចែកជាបីដំណាក់កាល ដោយដំណាក់កាលទី១ ស្ថិតនៅលើទំហំដី២,៥០ហិកតា ដើម្បីកសាងវីឡាដែលមានតម្លៃចាប់ពី ១៩ដល់៤០ម៉ឺនដុល្លារអាមេរិក។ ចំណែកគម្រោងដំណាក់កាលទី២ និងទី៣ នឹងធ្វើឡើងជាបន្តបន្ទាប់គ្នាដោយក្រុមហ៊ុនគ្រោងចំណាយរយៈពេល៣ឆ្នាំកន្លះ ដើម្បី បញ្ចប់គម្រោងនេះទាំងស្រុង។

លោកស្រីបានបន្តថា ៖ «នេះជាប្រភេទវីឡាបែបអូតែលជាលើកដំបូង ដែលក្រុមហ៊ុនបានបង្កើតឡើង ដើម្បីឆ្លើយតបនឹងបំពេញតម្រូវការរបស់អតិថិជន ដែលត្រូវការលំនៅឋានប្រណីតមានផាសុកភាព និងតម្លៃសមរម្យ និងស្របតាមការវិវត្តរីកចម្រើនផ្នែកសេដ្ឋកិច្ច សង្គមកម្ពុជា»។ លោកស្រីបន្តថា ៖ «បុរីនេះនឹងផ្តល់នូវទស្សនទាននៃការអភិវឌ្ឍថ្មី មួយ ដែលនៅក្នុងបុរីនេះមានសេវាកម្ម ចម្រុះដោយរួមបញ្ចូលនូវភោជនីយដ្ឋាន ក្លឹបហាត់ប្រាណ ហាងកាហ្វេ ជាលក្ខណៈឯកជន ហាងលក់ទំនិញ ពិសេសបុរីនេះនេះគ្របដណ្តប់ដោយទីធ្លាបៃតងប្រមាណ៤៥ភាគរយ នៃផ្ទៃដីសរុបទាំងអស់»។

ការឌីហ្សាញបុរីនេះ និងការសាងសង់ ធ្វើឡើងដោយក្រុមហ៊ុនល្បីឈ្មោះមកពីប្រទេសសិង្ហបុរី ONG&ONG និងប្រើប្រាស់ស្ថាបត្យករខ្មែរ ដោយសារស្ថាបត្យករខ្មែរយល់ដឹងនូវអ្វីដែលជាតម្រូវការ និងចំណង់ចំណូលចិត្តរបស់អតិថិជន ព្រមទាំងស្គាល់ពីវប្បធម៌ និងប្រពៃណីទំនៀមទម្លាប់របស់ខ្មែរ។

លោកស្រី ចាន់ឡែន បានបន្តថា បុរីនេះនឹងប្រើប្រាស់ដើមឈើធ្វើជារបងព័ទ្ធជុំវិញបុរី និងមានហេដ្ឋារចនាសម្ព័ន្ធផ្លូវធំទូលាយ មានផ្លូវដើរ ទីធ្លាសាធារណៈសម្រាប់ការហាត់ប្រាណ ស្ទីម សោណា បន្ទប់ប្រជុំជាលក្ខណៈឯកជន និងការជួបជុំជាលក្ខណៈឯកជនសម្រាប់អ្នករស់នៅក្នុងបុរីនេះ។ លើសពីនេះក្រុមហ៊ុន FURI បានសហការជាមួយក្រុមហ៊ុន NAKI Group ដែលជាក្រុមហ៊ុនមានបទពិសោធន៍ លើការគ្រប់គ្រងអចលនទ្រព្យលំដាប់អន្តរជាតិ មកធ្វើការគ្រប់គ្រង ផ្តល់សេវាសម្អាត អនាម័យ ផ្តល់សេវាថែសួនជាដើម។

បុរី Woodland មានទីតាំងស្ថិតនៅតាមបណ្តោយផ្លូវសម្តេចអគ្គមហាសេនាបតីតេជោហ៊ុន សែន ដែលជាមហាវិថីធំជាងគេនៅរាជធានីភ្នំពេញ ដោយមានទំហំទទឹង៦០ម៉ែត្រ ស្ថិតក្នុងសង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ។

ជាមួយនឹងការរិះរកវិធី ដើម្បីបំពេញសេចក្តីត្រូវការរបស់អ្នករស់នៅឲ្យកាន់តែមានភាពងាយស្រួល និងកក់ក្តៅ បុរី Woodland ក៏គ្រោងផ្តល់ឲ្យអ្នកស្នាក់នៅក្នុងបុរីនេះ នូវសេវាកម្មតាមបែប Smart Home ជាសេវាកម្មដែលអាចបញ្ជាការបើកបិទទ្វារ ឬបើកបិទសម្ភារអេឡិចត្រូនិកក្នុងលំនៅឋានដោយស្វ័យប្រវត្តិ ពិសេសក្រុមហ៊ុននឹងបំពាក់ជូននូវសម្ភារ បរិក្ខា និងទូរស័ព្ទម្នាក់មួយគ្រឿងដល់ម្ចាស់លំនៅដ្ឋាននីមួយៗ ដើម្បីកុម៉្មង់ម្ហូបអាហារ និងទិញគ្រឿងឧបភោគ បរិភោគ ២៤ម៉ោង ដល់ប្រជាពលរដ្ឋរស់នៅក្នុងបុរីនេះផងដែរ។

លោកស្រី ចាន់ឡែន បានបន្តថា ៖ «មុនវិនិយោគគម្រោងនេះ ក្រុមហ៊ុនបានសិក្សាពីទីផ្សារ និងតម្រូវការរបស់អតិថិជន ព្រោះការវិនិយោគរបស់យើង ដើម្បីបំពេញចិត្តអតិថិជន និងដឹងពីអ្វីដែលអតិថិជនត្រូវការ ជាអ្វីដែលក្រុមហ៊ុន FURI បាននិងកំពុងធ្វើនាពេលនេះ ពិសេសក្រុមហ៊ុននេះបាននិងកំពុងនាំយកទស្សនទានបែបខុនដូថែលជាលើកដំបូងមកកម្ពុជា»។ លោកស្រីបន្តថា ៖ «ក្រុមហ៊ុនបាននិងកំពុងរៀបចំបុរី Woodland ដែលសាងសង់លំនៅឋានសុទ្ធជាប្រភេទវីឡា នឹងផ្តល់សេវាកម្មបែបវីឡា អូតែលលើកដំបូងនៅកម្ពុជា។ រហូតមកទល់ពេលនេះមានអតិថិជនចាប់ផ្តើមកក់លំនៅឋានក្នុងបុរីនេះអស់ ជាង៥០ផ្ទះរួចហើយ។

លោក ហ៊ុយ វណ្ណា អគ្គលេខាធិការសមាគមអ្នកអភិវឌ្ឍន៍លំនៅឋានកម្ពុជា បានថ្លែងថា ការវិនិយោគលើបុរីបែបនេះ មានន័យថា អ្នកវិនិយោគមានទំនុកចិត្តលើទីផ្សារកម្ពុជា ហើយការវិនិយោគបែបនេះក៏ជាការបង្ហាញដល់អ្នកវិនិយោគអន្តរជាតិឲ្យមើលឃើញពីសក្តានុពលនៃការអភិវឌ្ឍ និងការរីកចម្រើននៃសេដ្ឋកិច្ចសង្គមរបស់កម្ពុជា។ លោកបន្តថា បច្ចុប្បន្នតម្រូវការលំនៅឋាននៅតែបន្តកើនឡើង ជាក់ស្តែងដូចជាបុរីវិមានភ្នំពេញ បុរីប៉េង ហួត និងបុរីពិភពថ្មីជាដើម នៅតែបន្តវិនិយោគលើគម្រោងលំនៅឋានថ្មីៗជាបន្តទៀតនៅឡើយ។

លោកបន្តថា ៖ «ការវិនិយោគលើវីឡាប្រណីត ដែលមានតម្លៃក្នុងរង្វង់ជាង១០ម៉ឺនដុល្លារឡើងទៅនៅតែមានតម្រូវការច្រើន ដោយសារកម្រិតប្រាក់ចំណូលប្រជាពលរដ្ឋកម្ពុជា នៅតែកើនឡើងពីមួយថ្ងៃទៅមួយថ្ងៃ»។

យោងតាមការព្យាកររបស់ក្រសួងរៀបចំដែនដី នគរូបនីយកម្ម និងសំណង់ បានបង្ហាញថា កម្ពុជាត្រូវការលំនៅឋាន១ម៉ឺនខ្នងក្នុងមួយឆ្នាំៗ ហើយគិតពីពេលបច្ចុប្បន្នរហូតដល់ឆ្នាំ២០២៣ កម្ពុជាត្រូវការលំនៅឋាន១លានខ្នង ស្របពេលកំណើនប្រជាពលរដ្ឋចូលមករស់នៅទីក្រុង បានកើនឡើងជាង១ភាគរយ នៃប្រជាជនសរុបរបស់កម្ពុជា។

លោក គីម ហ៊ាង ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា បានថ្លែងថា ការអភិវឌ្ឍលំនៅឋានបច្ចុប្បន្នគឺផ្តោតលើតម្លៃ បើតម្លៃល្អគម្រោងនោះនឹងទទួលជោគជ័យ ហើយបើនិយាយពីទីតាំងគឺទីតាំងណាក៏ល្អដែរ ប៉ុន្តែតម្លៃលំនៅឋានគឺកំណត់ភាពជោគជ័យរបស់គម្រោងនីមួយៗ។

លោក មាន ចាន់យ៉ាដា អ្នកនាំពាក្យសាលារាជធានីភ្នំពេញ បានថ្លែងថា តំបន់ផ្លូវ៦០ម៉ែត្រ ជាមហាវិថីសម្តេចតេជោ គឺជាទីក្រុងរណប ING CITY ដែលជាតំបន់លំនៅឋាន ពាណិជ្ជកម្ម សាលារៀន ឧស្សាហកម្មធុនស្រាល ទេសចរណ៍ និងមន្ទីរពេទ្យជាដើម។ លោកបន្តថា កាលពី៥ឆ្នាំមុន ក្រុងផ្តោតលើការអភិវឌ្ឍនៅភាគខាងលិច និងភាគខាងជើង ប៉ុន្តែពេលនេះក្រុងបានផ្តោតការអភិវឌ្ឍមកកាន់ភាគខាងត្បូង និងខាងកើត។

លោកបន្តថា ៖ «ពីមុនការអភិវឌ្ឍនៅទិសខាងលិច និងខាងជើង បានធ្វើឲ្យមានចំនួនមនុស្ស និងបញ្ហាកកស្ទះចរាចរណ៍កើតឡើងយ៉ាងច្រើន ហេតុនេះទើបក្រុងងាកមកអភិវឌ្ឍនៅទិសខាងត្បូង និងខាងលិច ដើម្បីធ្វើឲ្យការអភិវឌ្ឍមានតុល្យភាពគ្នានៃទិសទាំងបួន»៕

http://www.postkhmer.com/