នៅថ្ងៃទី២៤ មិថុនា ២០១៧ ប្រធានសមាគមអ្នកអភិវឌ្ឍន៍លំនៅឋានកម្ពុជា បានចូលរួមជាគណអធិបតីក្នុង “ពិធីប្រកាសបើក កម្មវិធីសន្និបាត និងពិព័ណ៌អចលនទ្រព្យកម្ពុជាឆ្នាំ២០១៧” និងបានបង្ហាញពីភាពរីកចំរើនលើវិស័យអចលនទ្រព្យ និងផ្សព្វផ្សាយពីវិសាលភាពវិស័យអនលនទ្រព្យនៅកម្ពុជា ទៅអ្នកវិនិយោគក្នុងប្រទេស និងក្រៅប្រទេស។ ប្រទេសកម្ពុជា គឺជាប្រទេសប្រកបដោយចក្ខុវិស័យត្រឹមត្រូវ និងជាប្រទេសដែលផ្តល់ទំនុកចិត្តដ៏កក់ក្ដៅក្នុងការដាក់ទុនវិនិយោគ គឺពឹងផ្អែកលើចំណុចមួយចំនួនដូចជា៖
១) ម៉ាក្រូសេដ្ឋកិច្ចមានស្ថេរភាព
២) រដ្ឋាភិបាលគាំទ្រវិស័យជំនួញ
៣) ការវិនិយោគមានលក្ខណៈប្រកួតប្រជែង
៤) មានភ្នាក់ងារលើកកម្ពស់ដល់ការវិនិយោគ ដោយផ្ដល់សេវាច្រកចេញចូលតែមួយ
៥) ការអនុគ្រោះដល់ទីផ្សារក្នុងតំបន់ និងអន្តរជាតិ
៦) ការការពារដល់ការវិនិយោគ
៧) មានហេដ្ឋារចនាសម័្ពន្ធគ្រប់គ្រាន់ និងទីតាំងយុទ្ធសាស្រ្ដ
៨) មានការគាំទ្រដោយវិស័យសេដ្ឋកិច្ច
៩) មានប្រភពធនធាន កំលាំងពលកម្មគ្រប់គ្រាន់ និងទីតាំងភូមិសាស្រ្ដអំណោយផលល្អ។