នៅព្រឹកថ្ងៃទី២១ ខែកក្កដា ឆ្នាំ២០១៦ វេលាម៉ោង ៩ : 00 ព្រឹក នៅអគ្គនាយកដ្ឋានពន្ធដារ បានរៀបចំកិច្ចប្រជុំពិភាក្សាក្រោមអធិបតីភាពរបស់ ឯកឧត្តម អេង រតនា ប្រធាននាយកដ្ឋាន គ្រប់គ្រងអ្នកជាប់ពន្ធធំ នៃអគ្គនាយកដ្ឋានពន្ធដារ នឹងជាតំណាងដ៏ខ្ពង់ខ្ពស់របស់ ឯកឧត្តម គង់ វិបុល ប្រតិភូរាជរដ្ឋាភិបាល ទទួលបន្ទុកជាអគ្គនាយកនៃអគ្គនាយកដ្ឋានពន្ធដារ ជាមួយសមាគមអ្នកអភិវឌ្ឍន៍លំនៅឋានកម្ពុជា ដែលដឹកនាំដោយ លោកឧកញ៉ា លី ហួរ ជាប្រធានសមាគម។ កិច្ចប្រជុំនេះផ្ដោតសំខាន់ លើបញ្ហាប្រឈមរបស់អ្នកអភិវឌ្ឍន៍លំនៅឋានក្នុងពេលបច្ចុប្បន្ន និងការស្វែងរកយន្ដការពន្លឿនដល់វឌ្ឍនភាពវិស័យសំណង់ និងអចលនទ្រព្យក្នុងព្រះរាជណាចក្រកម្ពុជា។