HOUSING DEVELOPMENT ASSOCIATION OF CAMBODIA

MESSAGE FROM PRESIDENT

តាងនាមខ្ញុំជាប្រធានសមាគមអ្នកអភិវឌ្ឍន៍លំនៅឋានកម្ពុជាខ្ញុំមានសេចក្ដីសោមនស្សរីករាយណាស

តាងនាមខ្ញុំជាប្រធានសមាគមអ្នកអភិវឌ្ឍន៍លំនៅឋានកម្ពុជាខ្ញុំមានសេចក្ដីសោមនស្សរីករាយណាស

STRUCTURE

HDA FACEBOOK

HDA VISITOR

HOUSING DEVELOPMENT ASSOCIATES IS A LEADING PROFESSIONAL AND INVESTMENT ADVISORY FIRM BASED IN CAMBODIA

ការប្រមូលពន្ធពីការអភិវឌ្ឍដី នៅជិតតំបន់អភិវឌ្ឍន៍ហេដ្ឋារចនាសម្ព័ន្ធថ្មីរបស់រដ្ឋ គឺជាប្រភពកំណើន Posted Date : 09-09-2016 ពន្ធនៅលើការអភិវឌ្ឍដីធ្លី គឺជាការប្រមូលពន្ធដែលធ្វើឡើងតែម្តងប៉ុណ្ណោះសម្រាប់ម្ចាស់អចលនទ្រព្យដែលចង់លក់ ឬផ្ទេរកម្មសិទ្ធិ ខណៈដែលអចលនទ្រព្យទាំងនោះបានឡើងថ្លៃដោយសារគម្រោងហេដ្ឋារចនាសម្ព័ន្ធនៅក្បែរៗនោះ។ នេះបើយោងតាមប្រភពមកពីក្រសួងហិរញ្ញវត្ថុ។ ប្រភពខាងលើបន្ថែមទៀតថា ការប្រមូលពន្ធនេះ នឹងមិនត្រូវបានគេអនុវត្តសម្រាប់ដីធ្លីនៅក្បែរគម្រោងហេដ្ឋារចនាសម្ព័ន្ធនានា ដែលបានបញ្ចប់ការសាងសង់មុនពេលច្បាប់ប្រមូលពន្ធថ្មីនេះត្រូវបានអនុវត្ត។ ម្ចាស់អចលនទ្រព្យគ្រាន់តែបង់ពន្ធនៅពេល ដែលខ្លួនបានលក់អចលនទ្រព្យ ឬផ្ទេរសិទ្ធិប៉ុណ្ណោះ ហើយការប្រមូលពន្ធនេះអាចប៉ះពាល់ដល់ការវាយតម្លៃរបស់នាយកដ្ឋានរតនាគារពីមុន និងក្រោយពេលចាប់ផ្តើមគម្រោង។ ជាក់ស្តែងប្រសិនបើការវាយតម្លៃអចលនទ្រព្យមួយមានតម្លៃ ១លានបាតមុនពេលគម្រោងនេះ ចាប់ផ្តើមសាងសង់ នោះអចលនទ្រព្យនេះអាចលោតតម្លៃដល់ទៅ ៥លានបាត ក្រោយពេលសាង សង់រួចហើយ ហើយម្ចាស់អចលនទ្រព្យអាចនឹងត្រូវបង់ពន្ធបន្ថែមចំនួន៤លានបាតនៅពេលអចលនទ្រព្យនេះត្រូវបានលក់ ឬផ្ទេរសិទ្ធិ។ ពន្ធលើការអភិវឌ្ឍដី ដែលត្រូវបានគេស្គាល់ថា ជាចំណែកពន្ធ Betterment នៃការខិតខំប្រឹងប្រែងរបស់ក្រសួងហិរញ្ញវត្ថុក្នុងការស្វែងរកប្រភពថ្មីៗនៃប្រាក់ចំណូលពីការប្រមូលពន្ធ ដើម្បីជំរុញឲ្យមានកំណើនចំណូលរបស់រដ្ឋាភិបាល និងបែងចែករចនាសម្ព័ន្ធនៃការប្រមូលពន្ធ ដែលបច្ចុប្បន្ននេះគឺពឹងផ្អែកយ៉ាងខ្លាំងលើការប្រមូលពន្ធលើប្រាក់ចំណូល និងពន្ធតម្លៃបន្ថែម។ ក្រៅពីពន្ធលើការអភិវឌ្ឍដីនេះ ពន្ធផ្សេងៗទៀត លើទ្រព្យសម្បត្តិដែលត្រូវបានជំរុញឲ្យបង់ពន្ធដោយរដ្ឋាភិបាលបច្ចុប្បន្ននេះ ក៏មានទាំងការយកពន្ធលើការផ្ទេរទ្រព្យកេរមរតក ពន្ធលើការផ្ទេរសិទ្ធិ និងពន្ធអគារ និងដីផងដែរ។ ប្រភពព័ត៌មាននេះបាននិយាយទៀតថា មន្ត្រីហិរញ្ញវត្ថុ លោក Apisak Tantivorawong បានបង្ខំឲ្យ Fiscal Policy Office (FPO) ពន្លឿនលើការព្រាងច្បាប់ប្រមូលពន្ធលើការអភិវឌ្ឍដី ដើម្បីបំពេញឲ្យបាននូវគម្រោងអភិវឌ្ឍន៍ហេដ្ឋារចនាសម្ព័ន្ធខ្នាតធំរយៈពេល៨ឆ្នាំ របស់រាជរដ្ឋាភិបាលថៃឲ្យបាន។ ប្រភពនេះថ្លែងថា FPO កំពុងតែសិក្សាលើពន្ធ Betterment ដែលត្រូវបានអនុវត្តនៅបរទេស ហើយការប្រមូលពន្ធនេះត្រូវបានអនុវត្តជាបណ្តោះអាសន្ននៅតាមបណ្តាប្រទេសមួយចំនួន ខណៈពេលដែលនៅក្នុងប្រទេសខ្លះ ពន្ធនេះត្រូវបានគេអនុវត្តជាអចិន្រៃ្តយ៍តែម្តង។ ប្រទេសថៃអាចជ្រើសរើសក្នុងការបង់ពន្ធអចលនទ្រព្យចំនួនម្តងប៉ុណ្ណោះ បើទោះជាតម្លៃរបស់វាមានការកើនឡើងពីការអភិវឌ្ឍលើដីនោះក៏ដោយ មានន័យថា បើទោះជាដីនេះត្រូវបានលក់ ឬផ្ទេរកម្មសិទ្ធិ នៅថ្ងៃអនាគតក៏ដោយ ក៏ម្ចាស់ដីពុំចាំបាច់បង់ពន្ធម្តងទៀតនោះទេ។ ប្រភពខាងលើបានបន្ថែមទៀតថា មិនមែនឲ្យម្ចាស់អចលនទ្រព្យដែលស្ថិតក្បែរគម្រោងហេដ្ឋារចនាសម្ព័ន្ធសុទ្ធតែត្រូវបានបង់ពន្ធនោះទេ ពីព្រោះវិក្កយបត្រព្រាង និងកំណត់ថា តើនរណាខ្លះដែលត្រូវបង់ពន្ធ។ អ្នកដែលមានដីនៅខាងក្រៅតំបន់កំណត់នេះនឹងមិនត្រូវបង់ពន្ធឡើយ បើទោះជាតម្លៃអចលនទ្រព្យរបស់ពួកគេឡើងថ្លៃដោយសារតែការអភិវឌ្ឍហេដ្ឋារចនាសម្ព័ន្ធក៏ដោយ៕ http://www.postkhmer.com/

ការប្រមូលពន្ធពីការអភិវឌ្ឍដី នៅជិតតំបន់អភិវឌ្ឍន៍ហេដ្ឋារចនាសម្ព័ន្ធថ្មីរបស់រដ្ឋ គឺជាប្រភពកំណើន Posted Date : 09-09-2016

ពន្ធនៅលើការអភិវឌ្ឍដីធ្លី គឺជាការប្រមូលពន្ធដែលធ្វើឡើងតែម្តងប៉ុណ្ណោះសម្រាប់ម្ចាស់អចលនទ្រព្យដែលចង់លក់ ឬផ្ទេរកម្មសិទ្ធិ ខណៈដែលអចលនទ្រព្យទាំងនោះបានឡើងថ្លៃដោយសារគម្រោងហេដ្ឋារចនាសម្ព័ន្ធនៅក្បែរៗនោះ។ នេះបើយោងតាមប្រភពមកពីក្រសួងហិរញ្ញវត្ថុ។

ប្រភពខាងលើបន្ថែមទៀតថា ការប្រមូលពន្ធនេះ នឹងមិនត្រូវបានគេអនុវត្តសម្រាប់ដីធ្លីនៅក្បែរគម្រោងហេដ្ឋារចនាសម្ព័ន្ធនានា ដែលបានបញ្ចប់ការសាងសង់មុនពេលច្បាប់ប្រមូលពន្ធថ្មីនេះត្រូវបានអនុវត្ត។

ម្ចាស់អចលនទ្រព្យគ្រាន់តែបង់ពន្ធនៅពេល ដែលខ្លួនបានលក់អចលនទ្រព្យ ឬផ្ទេរសិទ្ធិប៉ុណ្ណោះ ហើយការប្រមូលពន្ធនេះអាចប៉ះពាល់ដល់ការវាយតម្លៃរបស់នាយកដ្ឋានរតនាគារពីមុន និងក្រោយពេលចាប់ផ្តើមគម្រោង។

ជាក់ស្តែងប្រសិនបើការវាយតម្លៃអចលនទ្រព្យមួយមានតម្លៃ ១លានបាតមុនពេលគម្រោងនេះ ចាប់ផ្តើមសាងសង់ នោះអចលនទ្រព្យនេះអាចលោតតម្លៃដល់ទៅ ៥លានបាត ក្រោយពេលសាង សង់រួចហើយ ហើយម្ចាស់អចលនទ្រព្យអាចនឹងត្រូវបង់ពន្ធបន្ថែមចំនួន៤លានបាតនៅពេលអចលនទ្រព្យនេះត្រូវបានលក់ ឬផ្ទេរសិទ្ធិ។

ពន្ធលើការអភិវឌ្ឍដី ដែលត្រូវបានគេស្គាល់ថា ជាចំណែកពន្ធ Betterment នៃការខិតខំប្រឹងប្រែងរបស់ក្រសួងហិរញ្ញវត្ថុក្នុងការស្វែងរកប្រភពថ្មីៗនៃប្រាក់ចំណូលពីការប្រមូលពន្ធ ដើម្បីជំរុញឲ្យមានកំណើនចំណូលរបស់រដ្ឋាភិបាល និងបែងចែករចនាសម្ព័ន្ធនៃការប្រមូលពន្ធ ដែលបច្ចុប្បន្ននេះគឺពឹងផ្អែកយ៉ាងខ្លាំងលើការប្រមូលពន្ធលើប្រាក់ចំណូល និងពន្ធតម្លៃបន្ថែម។ ក្រៅពីពន្ធលើការអភិវឌ្ឍដីនេះ ពន្ធផ្សេងៗទៀត លើទ្រព្យសម្បត្តិដែលត្រូវបានជំរុញឲ្យបង់ពន្ធដោយរដ្ឋាភិបាលបច្ចុប្បន្ននេះ ក៏មានទាំងការយកពន្ធលើការផ្ទេរទ្រព្យកេរមរតក ពន្ធលើការផ្ទេរសិទ្ធិ និងពន្ធអគារ និងដីផងដែរ។

ប្រភពព័ត៌មាននេះបាននិយាយទៀតថា មន្ត្រីហិរញ្ញវត្ថុ លោក Apisak Tantivorawong បានបង្ខំឲ្យ Fiscal Policy Office (FPO) ពន្លឿនលើការព្រាងច្បាប់ប្រមូលពន្ធលើការអភិវឌ្ឍដី ដើម្បីបំពេញឲ្យបាននូវគម្រោងអភិវឌ្ឍន៍ហេដ្ឋារចនាសម្ព័ន្ធខ្នាតធំរយៈពេល៨ឆ្នាំ របស់រាជរដ្ឋាភិបាលថៃឲ្យបាន។

ប្រភពនេះថ្លែងថា FPO កំពុងតែសិក្សាលើពន្ធ Betterment ដែលត្រូវបានអនុវត្តនៅបរទេស ហើយការប្រមូលពន្ធនេះត្រូវបានអនុវត្តជាបណ្តោះអាសន្ននៅតាមបណ្តាប្រទេសមួយចំនួន ខណៈពេលដែលនៅក្នុងប្រទេសខ្លះ ពន្ធនេះត្រូវបានគេអនុវត្តជាអចិន្រៃ្តយ៍តែម្តង។

ប្រទេសថៃអាចជ្រើសរើសក្នុងការបង់ពន្ធអចលនទ្រព្យចំនួនម្តងប៉ុណ្ណោះ បើទោះជាតម្លៃរបស់វាមានការកើនឡើងពីការអភិវឌ្ឍលើដីនោះក៏ដោយ មានន័យថា បើទោះជាដីនេះត្រូវបានលក់ ឬផ្ទេរកម្មសិទ្ធិ នៅថ្ងៃអនាគតក៏ដោយ ក៏ម្ចាស់ដីពុំចាំបាច់បង់ពន្ធម្តងទៀតនោះទេ។

ប្រភពខាងលើបានបន្ថែមទៀតថា មិនមែនឲ្យម្ចាស់អចលនទ្រព្យដែលស្ថិតក្បែរគម្រោងហេដ្ឋារចនាសម្ព័ន្ធសុទ្ធតែត្រូវបានបង់ពន្ធនោះទេ ពីព្រោះវិក្កយបត្រព្រាង និងកំណត់ថា តើនរណាខ្លះដែលត្រូវបង់ពន្ធ។ អ្នកដែលមានដីនៅខាងក្រៅតំបន់កំណត់នេះនឹងមិនត្រូវបង់ពន្ធឡើយ បើទោះជាតម្លៃអចលនទ្រព្យរបស់ពួកគេឡើងថ្លៃដោយសារតែការអភិវឌ្ឍហេដ្ឋារចនាសម្ព័ន្ធក៏ដោយ៕

http://www.postkhmer.com/